VITA Vjosa – Vlerësimi i Iniciativave për Turizmin dhe Mjedisin përgjatë basenit të lumit Vjosa.
Projekti VITA Vjosa synon të kontribuojë në zhvillimin e turizmit të qëndrueshëm dhe në mbrojtjen e mjedisit në basenin e lumit Vjosa në Shqipëri, basenin e fundit lumor të egër në Evropë. Ai përqendrohet në vlerësimin e burimeve natyrore, forcimin e formimit profesional dhe nxitjen e rritjes së ndërmarrjeve të vogla, duke krijuar kështu vende pune që sjellin përfitime të drejtpërdrejta për komunitetet lokale.
Vjosa është i vetmi lum në Evropë që vazhdon të rrjedhë i lirë, pa diga apo barriera përgjatë shtratit të saj. Lumi përshkon rreth 400 kilometra, nga vargmalet e Pindit në Greqi deri në brigjet e Adriatikut në Shqipëri.
Vjosa përfaqëson një thesar të jashtëzakonshëm biodiversiteti: në zonat përreth lumit jetojnë mbi 1000 specie kafshësh të egra, përfshirë 13 specie të rrezikuara, si edhe një florë të pasur dhe të larmishme.
Në vitin 2023, Qeveria Shqiptare shpalli Parkun Kombëtar të Vjosës, zonën e parë të mbrojtur lumore të këtij lloji në Evropë. Ky hap historik synon të ruajë ekosistemin unik të Vjosës dhe ta kthejë atë në një model inovativ të mbrojtjes së natyrës për mbarë kontinentin.
“Strategjia e Turizmit për Parkun Kombëtar të Vjosës”, realizuar nga Agjensia Kombëtare e Turizmit (AKT) si një ndër produktet e projektit.
Projekti “Vita Vjosa” synon promovimin e zhvillimit të qëndrueshëm në basenin e Parkut Kombëtar të lumit Vjosa, përmes mbrojtjes së ekosistemeve natyrore, forcimit të kapaciteteve lokale dhe nxitjes së modeleve të qëndrueshme të turizmit dhe zhvillimit ekonomik.
Në këtë kuadër, Strategjia e Turizmit është hartuar për të ofruar një vizion afatgjatë dhe një kuadër orientues për zhvillimin e qëndrueshëm të turizmit në Parkun Kombëtar të Vjosës, në përputhje me ruajtjen dhe promovimin e vlerave natyrore, kulturore dhe sociale të zonës.
Dokumenti synon të shërbejë si një instrument mbështetës për bashkitë dhe institucionet vendore në:
- planifikimin dhe menaxhimin e qëndrueshëm të territorit;
- zhvillimin e produkteve dhe shërbimeve turistike;
- promovimin e turizmit natyror dhe kulturor;
- përmirësimin e bashkëpunimit ndërinstitucional dhe me komunitetet lokale;
- identifikimin e prioriteteve dhe mundësive për zhvillim ekonomik lokal.
Strategjia e Turizmit për Parkun Kombëtar të Vjosës Shqip
Strategjia e Turizmit për Parkun Kombëtar të Vjosës Anglisht