Mirëmëngjesi!

GËZUAR ME TË MOSHUARIT E QENDRËS DITORE PËRMET!

Në këto ditë festash nuk mund të linim pa uruar nga afër të moshuarit që frekuentojnë Qendrën ditore Përmet.

I organizuar si nje takim festiv në këtë fundvit për të përcjellë urime dhe gëzim tek njerëzit specialë të familjeve, shoqërisë dhe qytetit por edhe për të inaguruar ndryshimet e Qendrës ditore , tashmë të mobiluar dhe me kushte të përshtatshme.

Që momentet midis tyre të mos jenë vetëm argëtuese por edhe të rehatshme, na erdhi në ndihmë zbatimi projektit “Të moshuar jo të vetmuar, aktiv dhe të lumtur” si pjesë e programit LNB2 nga UNDP me financim të Agjencisë Zviceriane për Zhvillim dhe Bashkëpunim SDC. Gjithashtu pjesë e pandarë është dhe bashkëpunimi me shoqatën Mjedis, Ujra, Pyje e cila ka në vëmendje kujdesin dhe aktivizimin e moshës së tretë.

Pak vëmendje modeste për gjyshërit e Përmetit ditën e sotme ishte kënaqësi për të gjithë.

Duke i uruar një Vit të mbarë, me shëndet dhe qetësi në familjet e çdo të moshuari , Bashkia do të vijojë me vëmendjen dhe zgjerimin e shërbimeve për ta si një ndër prioritetet e vitit që vjen.