Konsultimi për Buxhetin dhe Paketën Fiskale 2025 në Njësinë Administrative Petran

Takim për konsultimin e Buxhetit dhe Paketës Fiskale për vitin 2025 në Njësinë Administrative Petran. Takimi, i organizuar nga Bashkia Përmet, u zhvillua në prani të Kryetares së Bashkisë, znj. Alma Hoxha , nën/Kryetarit z. Florand Hasani dhe Kryetarit të Komisionit të Ekonomisë, z. Agathokli Proko , si dhe banorëve të zonës dhe kryetarëve të fshatrave të Njësisë Petran.

Pjesëmarrësit e këtij konsultimi diskutuan propozimet për Projekt-Buxhetin 2025 dhe Paketën Fiskale, me theks të veçantë tek investimet dhe nevojat e komunitetit. Kryetarja e Bashkisë, znj. Alma Hoxha, theksoi rëndësinë e këtyre takimeve për të mundësuar një proces transparent dhe për të siguruar që buxheti të reflektojë nevojat reale të qytetarëve.

Një nga pikat kryesore të diskutimit ishte planifikimi i investimeve të rëndësishme që do të realizohen në të gjithë Njësinë Administrative Petran, ku mund të përmendim përmirësimin e infrastrukturës të Ujësjellësit të Petranit dhe Gjinkarit , si dhe projekte të tjera që do të përmirësojnë jetesën e banorëve, përfshirë rrugën e Fshatit Leusë , që do të sigurojë një lidhje më të lehtë dhe më të sigurt për këtë zonë.

Faleminderit të gjithëve që morën pjesë dhe kontribuan në këtë proces të rëndësishëm! Vazhdojmë të punojmë së bashku për një të ardhme më të mirë për njësinë tonë!