VLERËSIM PËR PROFESOR MARSEL KOSOVA DHE GJIMNASTET PËRMETARE NDËR VITE!

Njerëz të sportit dikur dhe sot, sportdashës dhe miq përmetarë, u mblodhën ditën e djeshme në ceremoninë dedikuar sportistëve të gjimnastikës dhe veçanërisht profesorit Marsel Kosova.

Vlerësimi me titullin “Qytetar Nderi i Përmetit” është një titull mëse i merituar për njeriun profesionist me kontribut të jashtëzakonshëm për zhvillimin masiv e cilësor të fiskulturës dhe sportit dhe vajzat gjimnaste me kontributin e tyre të çmuar në zhvillimin e sportit të gjimnastikës në nivel lokal dhe kombëtar si gjimnastet e para në qytetin e Përmetit, fituese të kupës në Spartakiadën Kombëtare në Korrik të vitit 1963.

Ekipi i djemve dhe vajzave të gjimnastikës bëri emër nën drejtimin e profesor Marsel Kosova në ato vite.

Mirënjohje për figurat që sportin e Përmetit e çuan në piedestal krahas ekipeve më të mira kombëtare.