PËRFUNDON INTERNATIONAL ULTRA TRAIL MARATONA “VJOSA WILD RIVER”, NJË MEDALJE NË PËRMET!

Maratona e vrapit “Vjosa Wild River” eventi sportiv ndërkombëtar i pari i këtij lloji në vendin tonë përfundoi aktivitetin ditën e djeshme.

Organizimi i eventit sportiv u mundësua nga shoqata “Maraton Albania” me mbështetjen e Ministrisë së Turizmit dhe Mjedisit dhe sigurisht me bashkëpunimin e pandarë të Bashkisë Përmet që prej muajsh angazhohet për të sjellë një event kaq të rëndësishëm për të apasionuarit e sportit por dhe si një mundësi për zhvillimin e qëndrueshëm të turizmit.

Garues të shumtë brenda dhe jashtë vendit u bënë pjesë e eventit në itinerare të ndryshme. Përmeti gjithashtu u përfaqësua denjësisht duke arritur të sjellë vendin e parë në itinerarin Memaliaj -Tepelenë prej km nga nxënësja e gjimnazit “Sami Frashëri”, Evelina Jorgollari.

Midis 150 garuesve, Evelina arriti të triumfojë duke na bërë krenarë të gjithëve. Si një ndër sportistet aktive pjesë e Klubit të alpinistëve të vegjël me trajnerin e përkushtuar Spiro Muke smund të mungonte pjesëmarrja e saj në aktivitetin më të madh të realizuar në Vjosë.

Një falenderim për organizuesit e këtij eventi sportiv Shoqata “Maraton Albania” me Kryetar z.Dashamir Çali dhe stafit të Bashkisë Përmet pjesë e organizimit dhe mbarëvajtjes në çdo moment të zhvillimit të aktivitetit

Shpresojmë që ky aktivitet të kthehet në traditë duke rritur çdo vit dhe më tepër vëmendjen për sportin.