“Një Jetë në Shërbim të Shtetit: Bajram Yzeiraj dhe Kontributi i Tij”

Në Qëndrën Multifunksionale u zhvillua një aktivitet i veçantë në nder të Prof. Asc. Bajram Yzeiraj, një nga figurat Përmetare më të shquara të Policisë së Shtetit. Aktiviteti u nderua me pjesëmarrjen e Kryetares së Bashkisë së Përmetit znj.Alma Hoxha , e cila e përshëndeti dhe vlerësoi kontributin e jashtëzakonshëm të Yzeiraj në forcimin e institucioneve të shtetit

Gjatë eventit, u theksua rëndësia e punës së Bajram Yzeiraj në ndihmën për zhvillimin dhe transformimin e Policisë së Shtetit, duke u angazhuar për një organizatë më të bashkuar dhe më humane . Me një karrierë që kaloi nga punonjës i thjeshtë deri në drejtor të lartë, Yzeiraj ka lënë një trashëgimi të vyer për brezat që erdhën më pas

Përveç kontributit të tij në fushën e sigurisë, ai na ka dhënë gjithashtu një pasqyrë të çmuar përmes librit të tij “Një jetë në Policinë e Shtetit”, i cili dokumenton përvojën e tij dhe zhvillimet historike të rëndësishme në vend

E falënderojmë dhe e përgëzojmë për këtë vepër të veçantë, që na ofron një pasuri të madhe njohurie dhe frymëzimi

Ky aktivitet, më shumë se një vlerësim për karrierën e një njeriu , ishte një thirrje për të gjithë të pranishmit që të vazhdojnë të ndërtojnë institucione të forta dhe një shoqëri më të drejtë