MBRËMJA POETIKE “DASHURIA PËR TOKËN DHE JETËN”!
Mbrëmja poetike “Dashuria për tokën dhe jetën” solli në ambjentet e kinemasë së qytetit vargjet e shkrimtarit të mirënjohur Dritëro Agolli.
Trupa interpretuese bëri të mundur një mbrëmje fantastike, muzë poetike nëpërmjet vargjeve dhe tingujve duke i dhuruar spektatorëve emocione dhe nostalgji.
Një kënaqësi e veçantë ishte pjesëmarrja e shkrimtarit dhe njëkohësisht Prefektit të Qarkut Z.Odise Kote dhe një emocion i veçantë ishte interpretimi i valles devolliçe nga grupi i Qendrës Kulturore të Fëmijëve Devoll.Një falenderim i veçantë shkoi për ideatorin Pandi Duka dhe trupën interpretuese.
Këto lloj aktivitetesh që sjellin veprat e autorëve ,të cilët jetojnë përmes veprës së tyre të ndërthurura me elementë artistik është mesazhi më i mirë që mund të japim për të gjithë të apasionuarit e letërsisë dhe gjithë qytetarët .