Mbledhja e Këshillit Bashkiak

Sot, Këshilli Bashkiak i Përmetit miratoi një sërë vendimesh të rëndësishme që do të kenë ndikim të drejtpërdrejtë në përmirësimin e kushteve dhe zhvillimin e qytetit tonë.

Disa nga vendimet kryesore të mbledhjes përfshijnë:

Miratimi i taksave dhe tarifave vendore për vitin 2025 – Për të siguruar burime financiare për shërbime të nevojshme për qytetarët.

Miratimi i sasive të karburantit dhe naftës për ngrohje – Përdorimi i karburanteve për automjetet e Bashkisë dhe shërbimet e tjera të rëndësishme për qytetin dhe fshatrat përreth.

Miratimi i normativave për harxhimin e druve të zjarrit për shkollat dhe kopshte – Mbështetje për arsimimin dhe kujdesin për fëmijët nëpërmjet resurseve për ngrohje.

Miratimi i përdorimit të mjeteve për administrimin e rrugëve rurale – Pjesë e përpjekjeve për të përmirësuar infrastrukturën dhe mbështetur komunitetet rurale.

Transferimi i shtesës së vlerës së ujësjellësave për investimin në zona rurale – Përmirësimi i furnizimit me ujë në fshatra si Kosinë, Frashër dhe shumë të tjera.

Ngritja e komisionit vlerësues për konkursin e linjave urbane dhe rrethqytetëse – Pjesë e përpjekjeve për të ofruar transport më efikas dhe të përballueshëm.

Miratimi i menuve dhe kuotës ushqimore për të moshuarit në kuadër të projektit “Të Moshuarit Jo të Vetmuar, Aktiv dhe të Lumtur” – Mbështetje për qytetarët e moshës së tretë për një jetë më të mirë.

Raportimi për projektet e zbatimit në kuadër të Programit RELOAD2 – Përditësime për projektet që mbështesin zhvillimin ekonomik dhe social të qytetit.

Miratimi i fondit të kushtëzuar për bllok ndihmës ekonomike deri në 6% – Ndihmë më e madhe për familjet e varfra.

Faleminderit për angazhimin e gjithsecilit! Këto vendime do të ndikojnë drejtpërdrejt në përmirësimin e jetës së qytetarëve tanë dhe përmirësimin e kushteve në gjithë Bashkinë Përmet.