FESTA E TEQESË SË FRASHËRIT!

Festohet sot dita e Teqesë së Frashërit, një monument me vlera kulturore dhe historike.

Emri i mirë i saj nuk lidhet vetëm me Bektashizmin. Emri i saj lidhet me momentet më kyçe të Lëvizjes Kombëtare Shqiptare e mbi të gjitha për përpjekjet dhe kontributin e saj për gjuhën e shkollën shqipe.

Teqeja u ndërtua më 1781 nga Sulejman Beu i Frashërit. Në 1908 u hap në këtë teqe shkolla e parë shqipe nga baba Alushi.

Teqeja e Frashërit përbën fillesat e arsimit shqip në rrethin e Përmetit.

Ky monument përveçse ka vlera shpirtërore për besimtarët bektashianë , shihet edhe si një objekt me vlera të rralla kulturore dhe historike për vizitorët vendas dhe të huaj.

Gëzuar gjithë besimtarëve bektashianë të Përmetit e më gjerë, me këto pamje të Teqesë së Frashërit.