DITA KOMBËTARE E TRASHËGIMISË KULTURORE!

29 shtatori është Dita Kombëtare e Trashëgimisë Kulturore, një ditë e veçantë për të festuar dhe promovuar pasuritë kulturore të Shqipërisë.

Në kuadër të kësaj dite, në ambientet pranë Muzeut Vendor Përmet u organizua aktivitet me shkollat e qytetit ku :

U ekspozuan punimet dixhitale për ruajtjen e materialeve historike të dokumentuara në letër që ndodhen fizikisht pranë muzeut. Tashmë këto materiale mund të aksesohen nga vizitorët edhe në format dixhital.

U ekspozuan 6 veshje të reja popullore për vajza me qëllim ruajtjen dhe vazhdimin e traditës edhe në brezin e ri.

Fëmijët vizituan ambientet e Muzeut duke u njohur me elementë të kulturës, historisë dhe traditës përmetare.

Ky aktivitet u organizua nga shoqata “Floemi” në bashkëpunim me Bashkinë Përmet me mbështetjen e Ministrisë së Ekonomisë, Kulturës dhe Inovacionit në kuadër të projektit “Të rinjtë njohin dhe aksesojnë trashëgiminë kulturore përmes një arkive dixhitale”.

Trashëgimia nuk është vetëm çfarë ruajmë nga e kaluara por edhe çfarë krijojmë për të ardhmen.