AKTIVITETI “DITA NAIMIANE”!

Si çdo vit, Përmeti kujton njeriun që vendosi themelet e letërsisë kombëtare, atdhetarin dhe dijetarin Naim Frashëri.

Me rastin e 178 vjetorit të lindjes së Naim Frashërit, shoqata Atdhetare Kulturore Mbarëkombëtare “Vëllezërit Frashëri” në bashkëpunim me Bashkinë Përmet zhvilluan aktivitete të ndryshme në kujtim të veprave dhe krijimtarisë plot vlera që na la pasuri.

Ditën e djeshme u realizua Konferenca me pjesëmarrje nga gjithë trevat shqiptare kushtuar Naim Frashërit dhe ideologut Sami Frashëri pasi viti 2024 përkon me 120 vjetorin e ndarjes nga jeta të tij.

Vizita në vendlindjen e vëllezërve Frashëri ishte aktiviteti i sotëm për të vijuar në mbrëmje me mbrëmjen poetike nga “Klubi Shkrimtarëve Naim Frashëri”, aktivitet i cili përmbyll Ditën e veçantë Naimiane.

Vëllezërit Frashëri do të kujtohen gjithmonë si krenaria kombëtare dhe trinomi i historisë, kulturës dhe letërsisë shqiptare.