AKTIVITETE NË MUAJIN E LETËRSISË!
Muaji Tetor është muaj festiv ku tradicionalisht 
lexues dhe 
shkrimtarë takohen në veprimtari të artit të fjalës.
Me rastin e muajit të letërsisë, 
Biblioteka Publike Përmet “Lliko Nano”, zhvilloi një aktivitet për jetën dhe veprën e gjigandit të letrave shqipe, Ismail Kadaresë.
Në këtë veprimtari morën pjesë lexues të rregullt të bibliotekës, nxënës dhe mësues të shkollës së mesme “Sami Frasheri” etj.
Krahas kumtesave të mbajtura nga specialistet e bibliotekës dhe mësuesit, u recituan poezi nga nxënës të moshave të ndryshme.Një aktivitet tjetër ishte “Thesaret e letërsisë” në Bibliotekën e fëmijëve, dedikuar njerëzve të shquar të letërsisë atyre që pasuruan botën e 
fëmijëve me botimet e përallave,tregimet,novelat e romanet.
Vijojnë aktivitetet dedikuar librit dhe smund të mungonte aktiviteti ku vendin e nderit e zë poezia. Krijues letrarë përmetarë por edhe interpretues të çdo brezi, u mblodhën në një mbrëmje poetike duke sjellë në vëmendje vargje nga autorët më të shquar 
shqiptarë.Libri është dritarja për të njohur botën, mbajeni pranë vetes gjithmonë!