AKTIVITET “MIRËNJOHJE PËR TË MOSHUARIT”/DITA BOTËRORE E TË MOSHUARVE!

Data 1 Tetor është Dita Botërore e të Moshuarve me qëllim sensibilizimin e opinionit ndërkombëtar për vëmendjen dhe kujdesin që duhet treguar për njerëzit që qëndrojnë në themel të familjes dhe shoqërisë.

Në ditën kushtuar moshës së tretë, fëmijët dhe të rinjtë e Përmetit, zgjodhën të kalonin disa momente me të moshuarit duke dhuruar një aktivitet me ese, muzikë dhe vargje kushtuar gjyshërve.

Ky aktivitet u realizua me mbështetjen e shoqatës “Mjedis, Ujra, Pyje” e cila po zbaton projektin “Ti nuk je vetëm” të financuar nga AMSHC dhe sjell në vëmendje kujdesin dhe aktivizimin e moshës së tretë.

Pak vëmendje modeste ishte kënaqësi për të rinjtë por edhe për gjyshërit. Ata janë kultura, familja, historia dhe tradita jonë ndaj më shumë vlerësim dhe përkujdes për gjyshërit tanë.