FOLK FEST 2024 NË PËRMET!

Ditën e djeshme u zhvillua aktiviteti Folk Fest 2024 edicioni i parë.

Ky festival është ideuar për ti dhënë zë kulturës dhe muzikës tradicionale të qyteteve dhe bashkëpunimit artistik që Bashkia Përmet ka krijuar dhe do të vijojë të ketë me çdo qytet jo vetëm të Qarkut Gjirokastër.

Mbrëmja e djeshme ishte e veçantë dhe përcolli argëtim për qytetin tonë ku Grupet artistike dhe kulturore të Libohovës, Dropullit, Gjirokastrës, Leskovikut dhe Përmetit performuan këngë dhe valle tradicionale të qytetit të tyre.

Secili prej grupeve solli identitetin e tij,duke promovuar diversitetin kulturor ,trashëgiminë kulturore dhe përcolli mesazhet e dashurisë e bashkëjetesës mes njerezve si dhe ballafaqimin e kulturave të ndryshme.

Ky edicion ishte vetëm fillimi i një tradite të bukur për tu zhvilluar edhe vitet në vazhdim duke rritur bashkëpunimin dhe ftuar edhe më shumë grupe për tu bërë pjesë.

Aktivitete të tilla që promovojnë traditat e qyteteve, resurset, mikpritjen e qytetarinë ndikojnë pozitivisht në turizmin kulturor.

Ju mirëpresim në edicionin e dytë !