Me shumë mirënjohje, Biblioteka e qytetit të Përmetit mirëpriti dhurimin e librit nga zonja Arjana Haxhiu, një botim i dedikuar me dashuri dhe respekt babait të saj të paharruar, piktorit të nderuar përmetar Fatmir Haxhiu.
Ky libër mbart një vlerë të rrallë shpirtërore për familjen Haxhiu, por njëkohësisht përbën edhe një pasuri të çmuar kulturore për qytetin tonë. Ai sjell më pranë kujtimin, veprën dhe kontributin e një figure të respektuar të artit, duke e bërë atë pjesë të memories sonë të përbashkët.Shprehim falënderimet tona më të sinqerta për këtë gjest fisnik, i cili pasuron fondin e bibliotekës dhe ruan gjallë trashëgiminë kulturore të Përmetit.
Faleminderit zonjës Arjana Haxhiu për këtë dhuratë me kaq shumë vlerë.
