TITULL NDERI ISMAIL KADARE!

Natën e dytë të Festivalit VjosArt , në një atmosferë arti dhe emocionesh që bashkon Përmetin, Bashkia Përmet pati nderin të dorëzojë titullin “Qytetar Nderi i Përmetit” për Ismail Kadarenë.

Ky vlerësim iu dorëzua vajzës së tij, Besiana Kadare , e cila me përkushtimin e saj në UNESCO ka kontribuar në promovimin e Shqipërisë dhe ka çuar lart emrin e vendit tonë në arenën ndërkombëtare .

Në këtë mbrëmje të veçantë, u nderua një emër i madh i kulturës shqiptare dhe botërore, Ismail Kadare, shkrimtari që ka ngritur gjuhën dhe identitetin shqiptar përtej kufijve, duke i dhënë asaj dinjitet, zë dhe pavdekësi .