Ekspozita përmbante fotografi historike, kryesisht të fillimit të shekullit të 20-të, si edhe informacion mbi jetën dhe traditat e komunitet Vllah.
Në këtë ekspozitë u paraqit një
histori e shkurtër e origjinës së komunitetit Vllah, rrugët shtegtare blegtorale dhe vendbanimet e përkohshme në kullotat verore, por edhe jeta sedentare në fshatra dhe qendra urbane, personalitete të shquara me origjinë nga ky komunitet që kanë kontribuar në kulturën dhe historinë
Shqiptare, roli i rëndësishëm i gruas Vllahe në jetëm familjare dhe ekonomike, prezenca historike e Vllehve në rajonin e
Përmetit, si edhe rijetëzimi i rrugës transhumane që ka kaluar në
Luginë dhe rindërtimi i
banesës së përkoshme tradicionale (kalive).
Në datat 23-24 Gusht, Bashkia Përmet dhe shoqata CeRPHAAL, 
në kuader të projektit SECreTOUR, organizuan ekspozitën 
fotografike ‘Udhëtim në kohë me Vllehtë’.
Ky aktivitet është pjesë e një iniciative disa vjeçare që ka si qellim ruajtjen dhe promovimin e vlerave kulturore të komunitetit Vllah si pjesë e trashëgimisë së rajonit të Përmetit, si edhe përfshirjen e kësaj trashëgimie në turizmin kulturor të Luginës së Sipërme të Vjosës.
