📍Sot, në qytetin e Përmetit, u mbajt Konferenca e Parë Rajonale për Turizmin, një takim i rëndësishëm që bashkoi përfaqësues nga 7 bashkitë e qarkut, operatorë turistikë, institucione publike dhe partnerë zhvillimi. 🤝
📌Ky aktivitet shënon një hap të madh drejt 🤝 bashkëpunimit rajonal për zhvillimin e turizmit, duke lidhur përvojat, resurset🏞️ dhe idetë e të gjithë aktorëve të turizmit në qarkun e Gjirokastrës.
🗣️Diskutimet u fokusuan mbi nevojën për të ndërtuar një strategji të përbashkët zhvillimi, që synon të forcojë identitetin kulturor e natyror të rajonit 🏰🌳, të rrisë vizitat 👥 dhe të nxisë rikthimin në origjinë për vizitorët vendas dhe të huaj.
🖇️Po ashtu, u diskutua rëndësia e krijimit të paketave turistike rajonale, të itinerareve gjithëvjetore 🗺️ dhe të një 🗒️kalendari të përbashkët të eventeve kulturore dhe historike, që do të promovojnë vlerat autentike të qarkut dhe do ta pozicionojnë rajonin si destinacion tërheqës për turistët ndërkombëtarë dhe grupet e apasionuar pas kulturës dhe natyrës.
Pjesë e aktivitetit ishte dhe vizita në fermën agroturistike “Aoos” në Këlcyrë , një model i bashkëjetesës së bujqësisë🐑, kulinarisë 🧀 dhe turizmit të qëndrueshëm.
Konferenca u mbyll me një deklaratë📃 , në të cilën u vendos:
✅Krijimi i Bordit Rajonal të Turizmit të Qarkut Gjirokastër
✅Unifikimin e ofertave turistike në rang qarku
✅Prodhimin e klipit zyrtar të turizmit të Qarkut Gjirokastër
✅Hartimin e Kalendarit Kulturor Rajonal 2026
🙏Një falënderim i veçantë shkon për Bledi Manen dhe Fondacionin për të Drejtat e Bashkuara (URF ) për kontributin dhe mbështetjen e tyre në organizimin e kësaj konference.
📌Ky takim shënon fillimin e një bashkëpunimi rajonal, që do të rrisë zhvillimin turistik, do të sjellë më shumë vizitorë ✈️ dhe do të forcojë pozicionin e Qarkut të Gjirokastrës në hartën ndërkombëtare të turizmit 🗺️🌍.
   
Category: Aktivitete 2019