Prej disa muajve ka vijuar puna për hartimin 
e Planit të Kujdesit Social për periudhen 2024-2028 ku takime të vazhdueshme janë zhvilluar me pjesëmarrjen e të gjithë sektorëve në bashki , 
me mbështetjen e institucioneve që operojnë në 
Përmet si dhe me asistencën e konsulentes së UNDP-së znj. Marsela Dauti.
Pas këtyre konsultimeve, në takimin e fundit u realizua prezantimi i draftit të Planit përpara se të kalojë për 
miratim në Këshillin Bashkiak.
Plani i Kujdesit Social 2024-2028, synon forcimin e strukturave të bashkisë, duke rritur burimet dhe kapacitetet njerëzore, financiare për të ofruar shërbime cilësore.
Gjithashtu Plani do të institucionalizojë dhe standardizojë menaxhimin e shërbimeve sociale për të vlerësuar dhe adresuar me shërbime individët, familjet apo komunitetet më në nevojë.
Me miratimin në Këshillin Bashkiak, do të nisë puna për zbatimin me projekte konkrete të objektivave që ky Plan parashikon.
