Data 1 Tetor është Dita Botërore e të Moshuarve 
me qëllim 
sensibilizimin e opinionit ndërkombëtar për vëmendjen dhe kujdesin që duhet treguar për njerëzit që qëndrojnë në themel të familjes dhe shoqërisë.
Në ditën kushtuar moshës së tretë, fëmijët dhe të rinjtë e Përmetit
, zgjodhën të kalonin disa momente me të moshuarit duke dhuruar një aktivitet me ese, muzikë dhe vargje kushtuar gjyshërve.
Ky aktivitet u realizua me në kuadër të zbatimit të projektit “Të moshuar jo të vetmuar, aktiv dhe të lumtur” si pjesë e programit LNB2 nga UNDP me financim të Agjencisë Zviceriane për Zhvillim dhe Bashkëpunim SDC. Gjithashtu pjesë e organizimit ishte dhe bashkëpunimi me shoqatën Mjedis, Ujra, Pyje e cila ka në vëmendje kujdesin dhe aktivizimin e moshës së tretë.
Pak vëmendje modeste ishte kënaqësi për të rinjtë por edhe për gjyshërit. Ata janë kultura, familja, historia dhe tradita jonë ndaj më shumë vlerësim dhe përkujdes për gjyshërit tanë.
