“Shqipëri e dashur,Në dritën e Nëntorit, ti shfaqesh më krenare se kurrë.
Qofshin idealet e Rilindasve, sakrificat e paraardhësve dhe ëndrrat e çdo shqiptari udhërrëfyesi ynë drejt një të ardhmeje më të ndritur.
Ne besojmë në një Shqipëri moderne, të drejtë, të bashkuar dhe të hapur ndaj mundësive.”…
Me këtë frymë filluan edhe letrat e sotme të të rinjve të qytetit drejtuar Shqipërisë.
Në aktivitetin e zhvilluar në ambientet e 
Qendrës Rinore, të rinjtë shprehën në fjalët e tyre krenarinë për historinë tonë, mirënjohjen dhe shpresën për një të ardhme më të bashkuar e më të ndritur.Çdo letër mbante brenda emocionet e sinqerta të brezit të ri, zëra që sot kanë peshë dhe rëndësi të veçantë.
Ky aktivitet i ngrohtë dhe plot frymëzim na kujtoi se fryma e Nëntorit jeton tek të rinjtë tanë, të cilët me energjinë, idealet dhe dashurinë për atdheun mbajnë gjallë vlerat më të bukura shqiptare.
Urojmë që energjia, kreativiteti dhe forca e brezit të ri të jenë motori që e çon vendin përpara, me besim se çdo hap i vogël i sotëm ndërton një të nesërme më të mirë.Gëzuar Shqipëri!
