Data 1 Tetor është vendosur si 
Dita Botërore e të Moshuarve me qëllim 
sensibilizimin e opinionit ndërkombëtar për vëmendjen dhe kujdesin që duhet treguar për 
thesarët e familjes dhe shoqërisë.
Sot, në nder të brezit që ka ndërtuar themelet e shoqërisë sonë, Bashkia Përmet organizoi një aktivitet të ngrohtë 
në të dy ambientet ditore për të moshuarit.
Frekuentuesit e përditshëm të ambienteve ishin të pranishëm në një atmosferë miqësore ku u shërbyen me dashuri disa gatime të përgatitura nga vajza dhe zonja punonjëse të bashkisë.
Kjo ditë është një kujtesë e rëndësishme e vlerësimit që kemi dhe do të kemi çdo ditë për moshën e tretë , për kontributin, përvojën dhe mençurinë që ata sjellin në jetën e përditshme të komunitetit tonë.
Gëzuar Ditën Botërore të të Moshuarve!Ju jeni dhe do të mbeteni një pasuri e pazëvendësueshme për të gjithë ne.
