Ditën e sotme, në sallën e mbledhjeve të Këshillit Bashkiak u zhvillua një takim konsultues me përfaqësues të hoteleve, bujtinave dhe guesthouse-ve të zonës, në kuadër të diskutimeve për taksën e fjetjes në struktura akomoduese.
Qëllimi i këtij takimi ishte të dëgjonim mendimet, shqetësimet dhe sugjerimet e operatorëve turistikë, si një hap i rëndësishëm drejt ndërtimit të një pakete fiskale të drejtë, të zbatueshme dhe në funksion të zhvillimit të qëndrueshëm të turizmit në Përmet.
Bashkia vlerëson sugjerimet dhe gatishmërinë për bashkëpunim të gjithë pjesëmarrësve dhe shpreh angazhimin për të vijuar këto takime konsultuese në javët në vijim, si pjesë e procesit të hartimit të Paketës Fiskale 2026.
Transparenca, pjesëmarrja dhe dialogu me komunitetin janë thelbësore për të ndërtuar politika që reflektojnë nevojat reale të qytetarëve dhe biznesit lokal.
